कुळथाचे पिठले

साहित्य:
कुळथाचे पीठ, कोकम(१/२), कांदा, लसणीच्या पाकळ्या, हिरव्या मिरच्या.

कृती:
गॅसवर पातेले गरम झाले की तेल ओतावे. तेलात लसणीच्या पाकळ्या व थोडा कांदा फोडणीला घालावा. तसेच थोडा कांदा पीठात घालावा. पाणी घालून किंचित पातळ करावे. मिरच्या घालाव्यात. त्यानंतर पीठ फोडणीला घालावे. थोडीशी हळद व मीठ घालून ढवळत राहावे. चवीला आंबट म्हणून एक कोकम घालावा. कढ आला की किसलेले खोबरे घालावे.